शेतकऱ्यांसाठी

नमस्कार. मित्रहो, माझ्या नावामागे सीएमए लावलेले आहे ते म्हणजे कॉस्ट अॅण्ड मॅनेजमेंट अकौंटंट. यात दोन अकौंटंट आहेत. एक कॉस्ट अकौंटंट आणि दुसरा मॅनेजमेंट अकौंटंट. याचा अर्थ सीएमए हा एका बाजूला कॉस्टचा म्हणजे एखादी गोष्ट करण्यासाठी लागणाऱ्या सर्व दृश्य अदृश्य खर्चाचा हिशेब करतो, आणि दुसऱ्या रूपात ती गोष्ट करण्यासाठी जी जी संसाधने वापरली जात आहेत त्याचा वापर सर्वोच्च समतोल राखून सर्वोत्तम केला जातो आहे की नाही, त्यात सुधारणेला कोठे वाव आहे, कशा प्रकारची सुधारणा करावी इत्यादी प्रकारचा विचार (म्हणजे हिशेब) करून तो व्यवस्थापनाच्या समोर विचारार्थ ठेवतो. मी या विषयाच्या अभ्यासाची सुरूवात १९७३ ला केली आणि ती चालूच आहे. आजही शिकणार आहे. आज आपण सगळे माझे गुरू आहात. कारण, मी शेतकरी नाही. मला तुमच्याकडून शेतीविषयी शिकण्याची संधी कोकण कृषी विद्यापिठाने या बीज महोत्सवात आपल्याशी संवाद साधायला बोलावून दिली या साठी मी त्यांचा ऋणी आहे. मी शेतकरी नसलो तरी माझा जन्म आणि बालपण दापोली तालुक्यातील कोळथरे या छोट्या गावचे आणि शालेय शिक्षण तिथेच झाले. त्यामुळे शेती या विषयात शिकण्यासाठी लागणारी पार्श्व